autor

Karwina-Frysztat – rynek 08.2011

O sobie (po naszymu)

Urodzóny 1954. Całe życi miyszko w Zybrzidowic kole Cieszyna, przi granicy z Czechami blisko Frysztota. Czuje sie prziwiónzany do Cieszyńskigo Ślónska, miyjsca kaj miyszko i swojich znajómych. Tu mo korzynie jego rodzina, w Małych Kóńczyc na Podlesiu, też w Kaczyc (Marcinów).

Je zainteresowany lokalnym środowiskiym, wydarzyniami kulturalnymi, sprawami społecznymi, troche mediami i politykóm. Mo sie za politycznie niezależnego, je bezpartyjny całe życi, o upodobaniach prawicowych. Z natury je krytyczny wzglyndym apodyktycznej władzy i zwierzchników. Dyskryminowany zawodowo i społecznie po odmowie wstómpiynio do partii kómunistycznej a pryndzyj młodzieżówki socjalistycznej.

Uznowo wartości narodowe, patriotyczne i chrześcijański. Katolik od urodzynio, praktykujóncy, choć z pozytywnym podejściym do inszych wyznań chrześcijańskich. Obecny był w młodzieżowym ruchu oazowym, kilkanaście roków w Akcji Katolickij.

Je otwarty, życzliwie nastawióny do pogodnych ludzi. Zwykle mo dobry kóntakt z solidnymi, odpowiedzialnymi ludźmi. Rod poznowo nowe miyjsca i ludzi. Chyba w miare towarzyski choć nie śpiywo, nie tańcuje, nie drinkuje … Chyntnie zwiedzo, czynsto podróżuje, zwłaszcza na kole. Interesuje sie sportym (np. futbol, lekkoatletyka, hokej, kolarstwo), ale też historióm w tym historióm lokalnóm i rodzinnóm, faunóm i floróm, turystykóm, zdrowiym i in. Pamiynto o regularnej samoedukacji.

Od r. 1998 publikowoł materiały prasowe w lokalnych mediach: m.in. biuletynie gminy Zybrzidowice „Wiadomości znad Piotrówki”, gminnym portalu internetowym zebrzydowice.net,  nadgranicznym portalu informacyjnym olzanet/jasnet, czasopismach diecezjalnych „Akcja” i „Źródło”, katolickich gazetkach parafialnych w Zybrzidowicach i Wielkich Kończyc, na strónie zielonoświóntkowej (kzzebrzydowice). Od maja 2011 redaguje tyn blog nt. wydarzyń w Zybrzidowic i okolicy. Pisze przede wszystkim o sobie, czasym nawiónzuje do osobistych przeżyć – dlo właściwych refleksji.

Edukacje mo z dziynnikarstwa, matymatyki, informatyki szkolnej, elektróniki. Po studiach robił ponad 20 roków jako elektrónik w szpitolu specjalistycznym w Jastrzymbiu downym Zdroju.  Potym nauczyciel j. angielskigo, a wpiyrw też informatyki i matymatyki. Uczył w liceach, technikach, gimnazjach i podstawówkach miyndzy Cieszynym, Jastrzymbiym i Strumiyniym.  Przez dobrych pore roków, staraniym określonych ludzi, bez stałej roboty. Decyzjóm sóndu  uzyskoł w r. 2017  skromnóm pynzyj. Po cztyrech rokach przerwy spatki w szkole policealnej i liceum dlo dorosłych w Jastrzymbiu (j. angielski do listopada 2023).

Doświadczany moc razy przez „los”. Pochodzi z rozsypanej rodziny. Całe życi pełni role służóncego w starej, fest zaniedbanej chałupie swojij ortodoksyjnej matki. Nie bardzo mioł warunki ani było go stać na założyni swojij rodziny. Żyje se skrómnie, oszczyndnie, ubogo. Po pindziesióntce, próbujónc se „pómóc”, uwikłoł sie w giełde kaj stracił oszczyndności życio. Je zatym „po przejściach”, w tym rodzinnych i odczuwo dolegliwości psycho-fizyczne. Ale fórt otwarty na życzliwe relacje. Mimo wszystko chyba w miare pogodny.

ZB